امریکی بحریہ کے پیر کو ایک بیان کے مطابق، امریکی بحریہ کا ایک F/A-18 سپر ہارنیٹ لڑاکا طیارہ اس وقت سمندر میں تباہ ہو گیا جب یہ یو ایس ایس ہیری ایس ٹرومین طیارہ بردار بحری جہاز سے گرا ۔
ایک اہلکار نے اشارہ کیا کہ ابتدائی رپورٹس کے مطابق ٹرومین نے حوثیوں کے میزائل سے بچنے کے لیے ایک تیز موڑ لیا، جس کی وجہ سے جیٹ ، بحری جہاز کے اوپر سے گرا۔ یمن کے حوثی باغیوں نے طیارہ بردار بحری جہاز پر ڈرون اور میزائل حملے کی ذمہ داری قبول کی ہے، یوایس ایس ہیری ایس ٹرومین اس وقت بحیرہ احمر میں ایران کے حمایت یافتہ گروپ کے خلاف امریکی فوجی مہم کے ایک حصے کے طور پر کام کر رہا ہے۔
جہاز میں موجود تمام اہلکاروں محفوظ ہیں، ایک سیلر کے معمولی زخمی ہونے کی اطلاع ہے۔ بحریہ کے بیان میں کہا گیا ہے، ‘F/A-18E کو ہینگر بے میں کھینچا جا رہا تھا جب عملے نے ہوائی جہاز کا کنٹرول کھو دیا، جس کے نتیجے میں ہوائی جہاز اور ٹو ٹریکٹر دونوں ہی اوپر سے گر گئے۔’
جہاز کے اوور بورڈ میں جانے سے پہلے ملاحوں کی طرف سے علاقے کو کلیئر کے لیے فوری اقدامات کیے گئے، اور فی الحال تحقیقات جاری ہیں۔ ایک دوسرے امریکی اہلکار نے CNN کو بتایا کہ طیارہ ڈوب گیا ہے۔ بحریہ کی رپورٹ کے مطابق، ایک F/A-18 لڑاکا طیارے کی قیمت $60 ملین سے زیادہ ہے۔
امریکی بحریہ کے کیریئرز، تقریباً 1,100 فٹ لمبے اور تقریباً 100,000 ٹن وزن اٹھانے والے عالمی سطح پر سب سے بڑے جنگی جہاز، اپنے سائز کے باوجود حیرت انگیز طور پر چست ہیں۔ ٹرومین جیسے نیمٹز کلاس کیریئرز، جو چار پروپیلر شافٹ چلانے والے دو جوہری ری ایکٹروں سے چلتے ہیں، 34 میل فی گھنٹہ سے زیادہ کی رفتار حاصل کر سکتے ہیں۔ جب کہ ٹرومین کی نقل و حرکت سے متعلق مخصوص تفصیلات نامعلوم ہیں، محکمہ دفاع کی ویب سائٹ پر موجود تصاویر اور ویڈیوز یہ ظاہر کرتے ہیں کہ یہ بڑے جہاز تیز رفتار موڑ کے دوران نمایاں طور پر جھک سکتے ہیں۔
کارل شسٹر، امریکی بحریہ کے سابق کپتان نے CNN کو وضاحت کی کہ کیریئرز عام طور پر میزائل حملوں سے بچنے کے لیے ‘زگ زیگ’ حکمت عملی استعمال کرتے ہیں، 30 سے 40 ڈگری کے موڑ کاٹتے ہیں، جن میں سے ہر ایک میں تقریباً 30 سیکنڈ لگتے ہیں، ابتدائی موڑ کافی تیز ہوتا ہے، جو کہ زگ زیگ گاڑی میں سوار ہونے جیسا ہے۔
رپورٹس کے مطابق، جہاز موڑ کے دوران تقریباً 10 سے 15 ڈگری تک جھک جاتا ہے، جس کے نتیجے میں وہ اپنے راستے سے تقریباً 100 سے 200 گز دور ہوجاتا ہے، اگر پوری رفتار سے سفر کیا جائے۔ ٹرومین کیریئر سٹرائیک گروپ اس وقت مشرق وسطیٰ میں تعینات ہے اور اس واقعہ کے وقت بحیرہ احمر میں کام کر رہا تھا۔
بحریہ نے پیر کو اس بات کا اعادہ کیا کہ اسٹرائیک گروپ اور اس کا فضائی ونگ ‘مکمل طور پر مشن کے قابل ہے۔’
متعدد حملے
ٹرومین کو حوثیوں کی جانب سے متعدد حملوں کا سامنا کرنا پڑا، جو فروری میں شہ سرخیوں میں آیا جب یہ مصر کے قریب ایک تجارتی جہاز سے ٹکرا گیا، خوش قسمتی سے کسی قسم کے زخمی ہونے کی اطلاع نہیں ملی۔ مزید برآں، ٹرومین کا ایک F/A-18 غلطی سے USS Gettysburg کے ذریعے بحیرہ احمر میں گزشتہ دسمبر میں مار گرایا گیا، دونوں پائلٹ محفوظ طریقے سے باہر نکل گئے تھے۔
اس علاقے میں امریکی بحریہ کے دیگر جہازوں کو بھی حوثیوں نے نشانہ بنایا ہے۔ 2024 کے اوائل میں، بحیرہ احمر میں ایک امریکی ڈسٹرائر نے اپنے فلینکس کلوز ان ویپن سسٹم کو چالو کیا، جو کہ میزائل کے خطرات کے خلاف اس کا آخری دفاع ہے، جب حوثیوں کی جانب سے لانچ کیا گیا کروز میزائل ایک میل کے فاصلے پر گرا، جو محض سیکنڈ کے فاصلے پر تھا۔
امریکی جنگی جہازوں پر حوثیوں کے حملوں میں اضافہ اس وقت ہوا جب امریکی بحریہ نے اکتوبر 2023 میں غزہ پر حملے کے جواب میں اس گروپ کو اسرائیل جانے والے تجارتی جہازوں پر حملہ کرنے سے روکنے کے لیے مداخلت کی۔
یمن میں حوثیوں کے زیر کنٹرول مسلح افواج نے رواں ماہ کے اوائل میں اعلان کیا تھا کہ ‘یمن فلسطینی عوام کے لیے اپنی امدادی کارروائیاں اس وقت تک بند نہیں کرے گا جب تک کہ غزہ پر اسرائیلی جارحیت ختم نہیں ہو جاتی اور ناکہ بندی ختم نہیں ہو جاتی’۔
