سپاہ پاسداران انقلاب اسلامی کے چیف کمانڈر کے مشیر بریگیڈیئر جنرل ابراہیم جباری نے کہا ہے کہ ایران پر حملے کی صورت میں امریکہ کی طرف سے اسرائیل کو کسی بھی قسم کی فوجی مدد پر جوابی کارروائی ہوگی۔

جباری نے ایران کے پریس ٹی وی کو انٹرویو دیتے ہوئے کہا کہ امریکیوں کو سمجھنا چاہیے کہ اگر وہ ایران کے خلاف میدان جنگ میں اترنے کا انتخاب کرتے ہیں تو ہمارے ہتھیار ان کے اڈوں، مفادات اور بحری جہازوں کو نشانہ بنانے کی صلاحیت رکھتے ہیں۔

انہوں نے زور دے کر کہا کہ امریکہ "ہمارا، مزاحمت کے محور اور مسلم دنیا کا سامنا کرنے کے لیے بالکل تیار نہیں ہے۔” بہر حال، جباری نے امریکہ کے اس طرح کے "احمقانہ فعل” میں ملوث ہونے کے امکان کے بارے میں شکوک کا اظہار کیا۔

"امریکی اسرائیل کی حمایت کرتے ہیں، یہ ناممکن ہے کہ وہ ایران کے ساتھ تنازع میں داخل ہونے کی غلطی کریں۔ وہ مسلسل [اسرائیلی] حکومت کو اسلامی جمہوریہ کو مشتعل کرنے کے خلاف مشورہ دیتے ہیں۔