اسرائیل اور حزب اللہ کشیدگی تقریباً مکمل جنگ ہے، جوزف بوریل

یورپی یونین کی خارجہ پالیسی کے سربراہ نے پیر کو کہا کہ اسرائیل اور لبنان کی حزب اللہ کے درمیان کشیدگی تقریباً ایک مکمل جنگ ہے۔
جوزپ بوریل نے صحافیوں کو بتایا کہ "یہ صورتحال انتہائی خطرناک اور تشویشناک ہے۔ میں کہہ سکتا ہوں کہ ہم تقریباً ایک مکمل جنگ میں ہیں۔”
انہوں نے شہریوں کی ہلاکتوں کی بڑھتی ہوئی تعداد اور فوجی حملوں کی شدت کا حوالہ دیتے ہوئے کہا کہ اگر یہ جنگی صورتحال نہیں ہے تو مجھے نہیں معلوم کہ آپ اسے کیا کہیں گے۔
بوریل نے کہا کہ تناؤ کو کم کرنے کی کوششیں جاری ہیں، لیکن اسپل اوور کے بارے میں یورپ کے بدترین خدشات حقیقت بن رہے ہیں۔
انہوں نے کہا کہ شہری بڑی قیمت ادا کر رہے ہیں اور ایک مکمل جنگ کو روکنے کے لیے تمام سفارتی کوششوں کی ضرورت ہے۔
انہوں نے کہا، "یہاں نیویارک میں ایسا کرنے کا لمحہ ہے۔ ہر کسی کو جنگ کے اس راستے کو روکنے کے لیے اپنی تمام تر صلاحیتیں لگانا ہوں گی۔”