یمن کے حوثیوں کے پہلی بار اسرائیل کے اندر تک میزائل حملے

 اتوار کو یمن کے حوثی گروپ نے پہلی بار وسطی اسرائیل  کے اندر میزائل داغے ، جس کے بعد اسرائیل کے وزیر اعظم بنجمن نیتن یاہو نے کہا کہ اسرائیل ایران سے منسلک حوثی باغیوں کو بھاری قیمت چکانا پڑے گی۔

حوثی فوج کے ترجمان یحیی ساریہ نے کہا کہ گروپ نے ایک نئے ہائپرسونک بیلسٹک میزائل سے حملہ کیا جس نے 2,040 کلومیٹر (1270 میل) کا فاصلہ صرف 11 1/2 منٹ میں طے کیا۔
ابتدائی طور پر اسرائیل کی جانب سے کہا گیا  کہ میزائل کھلے علاقے میں گرا، بعد میں اسرائیل کی فوج نے کہا کہ یہ ممکنہ طور پر ہوا میں بکھر گیا تھا، اور یہ کہ انٹرسیپٹرز کے ٹکڑے کھیتوں اور ریلوے اسٹیشن کے قریب گرے تھے۔ کسی کے زخمی ہونے کی اطلاع نہیں ہے۔
مقامی وقت کے مطابق صبح 6:35 بجے (0335 GMT) پر اثر سے کچھ لمحوں پہلے تل ابیب اور وسطی اسرائیل میں فضائی حملے کے سائرن بج گئے تھے، جس پر رہائشیوں کو پناہ کے لیے بھاگنا پڑا۔ سائرن کی اونچی آوازیں سنائی دے رہی تھیں۔
رائٹرز نے وسطی اسرائیل میں ایک کھلے میدان میں دھواں اُڑتے دیکھا۔
کابینہ کے ہفتہ وار اجلاس میں نیتن یاہو نے کہا کہ حوثیوں کو معلوم ہونا چاہیے کہ اسرائیل پر حملوں کی "بھاری قیمت” ادا کرے گی۔
نیتن یاہو نے جولائی میں تل ابیب کو نشانہ بنانے والے حوثی ڈرون کے لیے یمن کے خلاف اسرائیلی جوابی فضائی حملے کا حوالہ دیتے ہوئے کہا، "جس کسی کو اس کی یاد دہانی کی ضرورت ہو اسے حدیدہ بندرگاہ کا دورہ کرنے کی دعوت دی جاتی ہے۔”
اکتوبر میں حماس کے اسرائیل پر حملے کے بعد غزہ کی جنگ شروع ہونے کے بعد سے حوثیوں نے فلسطینیوں کے ساتھ اظہار یکجہتی کے لیے بارہا اسرائیل پر میزائل اور ڈرون فائر کیے ہیں۔
جولائی میں پہلی بار تل ابیب کو نشانہ بنانے والے ڈرون نے ایک شخص کو ہلاک اور چار افراد کو زخمی کر دیا تھا۔ الحدیدہ کی بندرگاہ کے قریب حوثی باغیوں کے ٹھکانوں پر اسرائیلی فضائی حملوں میں چھ افراد ہلاک اور 80 زخمی ہو گئے۔
اس سے قبل، حوثی میزائل اسرائیلی فضائی حدود میں گہرائی میں داخل نہیں ہوئے تھے، مارچ میں ایلات کے بحیرہ احمر کی بندرگاہ کے قریب ایک کھلے علاقے میں  میزائل گرنے کی اطلاع تھی۔
ساریہ نے کہا کہ اسرائیل کو مستقبل میں مزید حملوں کی توقع کرنی چاہیے "جب ہم 7 اکتوبر کے آپریشن کی پہلی سالگرہ کے قریب پہنچ رہے ہیں، بشمول حدیدہ شہر پر اس کی جارحیت کا جواب دینا،”۔
حوثیوں کے میڈیا آفس کے نائب سربراہ نصرالدین عامر نے اتوار کو ایکس پر ایک پوسٹ میں کہا کہ میزائل اسرائیل تک پہنچا تھا جب "20 میزائل اسے روکنے میں ناکام رہے” اور اسے "آغاز” قرار دیا۔
اسرائیلی فوج نے یہ بھی کہا کہ اتوار کے روز لبنان سے اسرائیل کی طرف 40 میزائل فائر کیے گئے اور انہیں یا تو روک دیا گیا یا کھلے علاقوں میں تباہ کردیا گیا۔
فوج نے کہا کہ "کسی کے زخمی ہونے کی اطلاع نہیں ہے۔”