قطر امیری بحریہ کے جہاز الخور نے کراچی کا دورہ کیا۔ کراچی آمد پر پاک بحریہ کے افسران اور جوانوں نے قطری جہاز کا پُرتپاک استقبال کیا۔
ترجمان پاک بحریہ کے مطابق دورےکے دوران قطری بحری جہاز کے کمانڈنگ آفیسر نے مزار قائد پر حاضری دی۔انھوں نے کمانڈر پاکستان فلیٹ وائس ایڈمرل فیصل عباسی سے بھی ملاقات کی۔ ملاقات کے دوران قطری بحری جہاز کے کمانڈنگ آفیسر نے خطے میں امن و سلامتی کے فروغ میں پاک بحریہ کی کوششوں کو سراہا۔ مزیدبرآں
باہمی دلچسپی اور دوطرفہ تعاون پر تبادلہ خیال کیا گیا۔
قطری جہاز اپنے قیام کے دوران مشق اسد البحر اور مشترکہ تربیت اور تبادلہ خیال میں حصہ لے گا۔
قطری جہاز کا یہ اہم دورہ نہ صرف پاکستان اور قطر کے درمیان مضبوط سفارتی تعلقات کی نشاندہی کرتا ہے بلکہ دفاعی اور باہمی تعلقات کو مزید فروغ دینے کا موقع فراہم کرتا ہے۔
